Памёр былы дэпутат Вярхоўнага Савета Генадзь Цярэня

Ён дамагаўся імпічменту для Лукашэнкі.

Памёр дэпутат Вярхоўнага Савета Беларусі ХІІІ склікання Генадзь Цярэня, паведаміла ў Facebook актывістка Валянціна Святская. Яму было 77 гадоў, перадае «Зеркало».

Генадзь Цярэня быў сябрам Камісіі па эканамічнай палітыцы і рэформах Вярхоўнага Савета. У 1996-м быў сярод ініцыятараў збору подпісаў за імпічмент у дачыненні да Аляксандра Лукашэнкі, узгадваў ягоны калега Павал Знавец.

«Памятаю, як ён нёс з двара, дзе тэатр Янкі Купалы, у адміністрацыю Лукашэнкі зварот ад дэпутатаў з патрабаваннем расследавання абставін знікнення [экс-кіраўніка Цэнтрвыбаркама Віктара] Ганчара. Колькі гадоў прайшло», — расказала ў каментары да паста Святскай журналістка Любоў Лунёва.

Развітанне з Генадзем Цярэнем пройдзе 8 красавіка з 12.00 да 13.00 у зале па адрасе вул. Куляшова, 49, Мінск.

Вярхоўны Савет ХІІІ склікання — першы парламент незалежнай Беларусі. Лічыцца апошнім дэмакратычна абраным беларускім парламентам. Дэпутаты пачалі працу 9 студзеня 1996 года — а ўжо 27 лістапада Аляксандр Лукашэнка на падставе праведзенага па ягонай ініцыятыве рэферэндуму пастанавіў спыніць дзейнасць. Пасля гэтага з лаяльных 110 дэпутатаў была сфармавана Палата прадстаўнікоў Нацыянальнага сходу першага склікання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]