У Беларусі праверылі крамы спартыўнага харчавання

Парушэнні былі паўсюль.

У Беларусі правялі праверку крамаў, дзе прадаюць біялагічна актыўныя дабаўкі (БАДы) і спартыўнае харчаванне. Вынікі аказаліся несуцяшальнымі, паведамляе МАРТ.

Спецыялісты ведамства выявілі парушэнні на кожным аб’екце. Дзе-нідзе яны былі не такія істотныя, напрыклад адсутнасць інфармацыі пра кнігу заўваг і прапаноў і недавядзенне да пакупнікоў інфармацыі пра прадаўца.

Аднак у большасці выявіліся даволі сур’ёзныя парушэнні. У 65% аб’ектаў на паліцах былі прадукты з мінулым тэрмінам прыдатнасці (для некаторых тавараў ён скончыўся паўгода таму).

У двух крамах у Брэсце было знята з рэалізацыі больш за 130 найменняў пратэрмінаванага спартыўнага харчавання прыблізна на 6000.

Гандлёвы аб’ект у Гродне таксама гандляваў «пратэрміноўкай». З паліц прыбралі 15 найменняў БАДаў на 750, тэрмін прыдатнасці некаторых з іх скончыўся яшчэ ў жніўні 2025 года.

Крыху лепш паказала сябе крама ў Магілёве. Там выявілі небяспечных БАДаў на 700.

Сталіца таксама адзначылася. З дзвюх крамаў было вылучана з рэалізацыі тавараў больш чым на 840.

Па выніках праверкі МАРТ выдаў 13 рэкамендацый аб устараненні парушэнняў і 13 прадпісанняў аб забароне рэалізацыі тавараў. Агульная сума «пратэрміноўкі» склала больш за 9200.

На гэтым улады не спыніліся. Некаторым інтэрнэт-крамам быў накіраваны ліст Мінздароўя пра тое, што на іх пляцоўках прадаюцца небяспечныя прадукты.

У згаданых БАДах біялагічна актыўных рэчываў было значна больш, чым заяўлена. Таму іх ужыванне можа прывесці да таксічнага паражэння органаў (асабліва печані), перадазоўкі вітамінаў і мікраэлементаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]