Стралкоў заклікаў расіян усвядоміць «непрыемны факт»
9- 28.04.2026, 9:09
- 8,344
Расія ідзе да ваеннай паразы.
Расійскі Z-патрыёт, ваенны злачынца Ігар Стралкоў апублікаваў паражэнскі пост у адказ на навіну пра тое, што Еўропа дасць Украіне крэдыт на 90 млрд еўра. Ён прыйшоў да высновы, што сітуацыя хутка ідзе да ваеннай паразы Расіі. Пост быў апублікаваны ў афіцыйным Telegram-канале Стралкова, перадае Dialog.UA.
Ён адзначыў, што праз 4 гады вайны яе мэты так і застаюцца невядомымі. Бойня зацягнулася і з кожным днём становіцца ўсё больш «невыноснай» для РФ і яе насельніцтва.
«Будзем цярпець далей. Будзем далей спрабаваць ажыццяўляць «СВА», якая, зусім відавочна, зайшла ў тупік. І якая цяпер забірае велізарную колькасць жыццяў без якой-небудзь выніковасці», — напісаў Стралкоў.
Ён удакладніў, што для Расіі сітуацыя хутка становіцца «адчайнай».
«На жаль, мы ідзём да ваеннай паразы. Гэта факт. Давайце… хаця б усвядомім дадзены непрыемны факт і будзем зыходзіць з таго, што пагроза рэальная. І што Украіну і далей будуць забяспечваць усім неабходным, а мы і надалей не будзем нічога па-сапраўднаму сур'ёзнага рабіць, каб прадухіліць гэтую пагрозу», — напісаў Стралкоў.
Ён падкрэсліў, што мабілізацыя ў Расіі «катастрафічна спазнілася» і ўжо не дапаможа атрымаць перамогу ў вайне. «Цяпер ідзе вайна дронаў, якія здольныя знішчыць любую колькасць пяхоты, уведзенай у бой на любым фронце… Супернік наладзіў… такую вытворчасць дронаў і ракет, што цяпер здольны трымаць фронт амаль аднымі імі, што, уласна, і адбываецца. То-бок вялікія масы людзей і тэхнікі будуць знішчаныя, не дасягнуўшы ніякіх поспехаў. Час упушчаны», — падкрэсліў Z-патрыёт. Ён канстатаваў, што ў РФ сёння нават не хопіць зброі, каб узброіць мабілізаваных.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
