Xiaomi выпусціла новы «бюджэтнік»

У яго магутны акумулятар і экран 144 Гц.

Кампанія Xiaomi вывела на глабальны рынак новы бюджэтны тэлефон ад свайго суббрэнда Poco – Poco M8s 5G. Прылада спалучае ў сабе характарыстыкі, якія звычайна сустракаюцца ў больш дарагіх мадэлях, паведамляе Notebookcheck.

Навінка можа пахваліцца акумулятарам ёмістасцю 7000 мА·г з падтрымкай 33-ватнай правадной зарадкі і 18-ватнай рэверсіўнай. Заяўляецца, што зараду спакойна хапае на два дні выкарыстання. Экран — 6,9 цалі, з раздзяляльнай здольнасцю Full HD+ і частатой абнаўлення 144 Гц.

Смартфон працуе на чыпе Snapdragon 6s Gen 3 і пастаўляецца з HyperOS 2 «з каробкі». Тыльная камера 50-мегапіксэльная, ёсць дадатковы сэнсар (раздзяляльная здольнасць не пазначаная), у круглым выразе дысплея знаходзіцца 8-Мп сэлфі-камера. Корпус сертыфікаваны паводле стандарту IP64 для абароны ад пылу і пырскаў вады.

Смартфон ужо паступіў у продаж у дзвюх расфарбоўках. Базавая версія з 6 ГБ аператыўнай і 128 ГБ убудаванай памяці каштуе 189 долараў. Топавая канфігурацыя з 8 ГБ аператыўнай памяці і 256 ГБ убудаванай памяці каштуе 210 долараў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]