Пуцін следам за Мінабароны пачаў «зачыстку» людзей Шайгу з Саўбеза

Падрабязнасці.

Дыктатар Расіі Уладзімір Пуцін звольніў генерала Паўла Конавальчыка з пасады памочніка сакратара Савета бяспекі. Указ пра гэта апублікаваны на партале прававых актаў. Конавальчык — член каманды сакратара Саўбеза Сяргея Шайгу. Раней ён служыў пад ягоным кіраўніцтвам у Мінабароны і, паводле некаторых звестак, узначальваў войскі інфармацыйных аперацый. У апарат Саўбеза Конавальчык перайшоў у ліпені 2024 года, неўзабаве пасля новага прызначэння Шайгу. Амерыканскі аналітычны цэнтр CNA звязваў генерала з 85-м цэнтрам ГРУ, тэхнічным падраздзяленнем ваеннай разведкі. Мінюст ЗША лічыць, што ён адказвае за дзейнасць хакерскай групоўкі Fancy Bear, якую абвінавачвалі ў кібернападах на Дэмакратычную партыю ЗША, урады еўрапейскіх краін і міжнародныя арганізацыі, перадае The Moscow Times.

Звольненне Конавальчыка стала чарговым эпізодам маштабнай «чысткі» ў асяроддзі Шайгу. На цяперашні час амаль усе ключавыя фігуры з каманды экс-міністра або страцілі пасады, або сталі абвінавачанымі па крымінальных справах. За тыдзень да звальнення Конавальчыка быў затрыманы былы першы намеснік кіраўніка Мінабароны і адзін з бліжэйшых паплечнікаў Шайгу Руслан Цалікаў. Раней крымінальныя справы завялі на іншых намеснікаў экс-міністра: Дзмітрыя Булгакава, Паўла Попава і Цімура Іванова. Апошняга прысудзілі да 13 гадоў калоніі за крадзеж і растрату больш за 4 млрд рублёў. Таксама супраць Іванова расследуецца справа аб хабарах на 1,4 млрд рублёў.

У Савеце бяспекі на пасадзе памочніка Шайгу застаецца Аляксандр Бурачэнок, які таксама прыйшоў у ведамства ў 2024-м, а раней займаў аналагічную пасаду ў Мінабароны. Паводле даных «Независимой газеты», паводле функцыяналу Бурачэнок быў ад'ютантам Шайгу, а Конавальчык — яго медыйшчыкам. 31 студзеня 2025 года Пуцін прызначыў памочніцай сакратара Саўбеза Тамару Цягіну. Яна таксама звязаная з Шайгу і была яго памочніцай яшчэ з тых часоў, калі ён узначальваў МНС.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]