Сябры Кастуся Іванова: Дзякуй кожнаму, хто дапамог

Збор сродкаў, абвешчаны блізкімі, закрыты.

Сябар Кастуся Іванова Сяргей Гумінскі паведаміў, што збор сродкаў, які адкрылі блізкія на развітанне з журналістам «Хартыі’97», цалкам закрыты.

«Ад усяго сэрца дзякуем вам усім за ваш унёсак. Дзякуючы вашай дабрыні і неабыякавасці мы дасягнулі мэты і нават перавысілі яе, сабраўшы 102%. Гэта сапраўднае сведчанне таго, колькі людзей любіла нашага Кузю і памятае яго.

Кожны ваш унёсак — донат або рэпост — быў сведчаннем вашай любові і таго, што ён пакінуў пасля сябе нешта сапраўднае ў сэрцах людзей», — напісаў Сяргей Гумінскі ў «Фэйсбуку».

Развітанне з журналістам «Хартыі-97» Кастусём Івановым пройдзе ў пахавальным бюро Dom Pogrzebowy Koperski ў Варшаве па адрасе ul. Powązkowska 2, на рагу вуліцы Okopowa. Паніхіда адбудзецца ў чацвер, 29 кастрычніка, аб 11:00.

Кастусь Іваноў памёр 24 кастрычніка пасля цяжкай хваробы. Яму было 40 гадоў.

У 2000-х Кастусь быў адным з самых прыкметных актывістаў руху «Зубр» і грамадскай кампаніі «Еўрапейская Беларусь» у Віцебску. Шматразова затрымліваўся сілавікамі падчас акцый пратэсту.

Пасля прэзідэнцкіх «выбараў» 2010 года пераехаў у Польшчу і працаваў журналістам сайта Charter97.org.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]