У Празе гарэў дом уладальніка канцэрна, які пастаўляе зброю Украіне

Паліцыя не выключае наўмысны падпал.

Чэшскія эксперты-крыміналісты расследуюць начны пажар у прыватным доме ў пражскім раёне Кунратыцы, які належыць уладальніку зброевага канцэрна STV Марціну Дрдзе, паведамляе выданне Novinky.

Пажар успыхнуў прыкладна за паўгадзіны да паўночы, калі суседзі заўважылі полымя каля ўваходу ў дом.

Дом, паводле кадастравых даных, належыць мільярдэру і ўладальніку зброевага канцэрна STV Марціну Дрдзе.

«Мы накіравалі ў Кунратыцы адзін пажарны разлік, які з дапамогай струменя вады пад высокім ціскам патушыў агонь на плошчы 1×1 метр. Выкліканы на месца здарэння следчы ацаніў суму шкоды ў 200 тысяч крон», — паведаміў прадстаўнік пажарнай службы Міраслаў Рэжач.

Пажар пачаўся побач з гаражом, каля ўваходу ў дом. Полымя таксама распаўсюдзілася на цяплоізаляцыю і каркас дому, таму пажарным давялося дэмантаваць іх у гэтым месцы і праверыць усё з дапамогай цеплавізара. Пасля гэтага на месца здарэння была выкліканая паліцыя.

«Эксперты-крыміналісты цяпер расследуюць усе абставіны і прычыны пажару ў супрацоўніцтве са следчымі пажарнай службы», — паведаміў прэс-сакратар паліцыі Рычард Грдына.

Паводле наяўнай інфармацыі, крыміналісты пакуль не выключаюць ніводнай з магчымых версій, а менавіта: тэхнічную няспраўнасць, нядбайнасць або наўмысны падпал.

STV Group — чэшскі вытворца боепрыпасаў і ваеннай тэхнікі — з’яўляецца адным з ключавых пастаўшчыкоў узбраення для Украіны на фоне поўнамаштабнай вайны з Расіяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]