Юнацкая зборная Беларусі па футболе разграміла суперніка з лікам 20:0

Адразу два футбалісты забілі па пяць мячоў.

Юнацкая зборная Беларусі па футболе ўчыніла сапраўдны разгром на міжнародным турніры ФІФА ў Азербайджане. Беларусы, не старэйшыя за 15 гадоў, перамаглі аднагодкаў з Папуа — Новай Гвінеі з лікам 20:0.

Адразу два футбалісты забілі па пяць мячоў — Арсеній Аплевіч і Іван Быстры. Яшчэ чатыры галы на рахунку Мікіты Бойкі, тройчы вызначыўся Дзяніс Ярмалёнак, дубль аформіў Радзіён Лапета. Яшчэ адзін мяч забіў Уладзіслаў Карпаў.

Для каманды Дзмітрыя Пятроўскага гэта была трэцяя сустрэча на турніры. Раней беларусы згулялі ўнічыю з Перу (2:2) і саступілі Малі (1:2).

Наступны матч зборная Беларусі правядзе ўжо заўтра, 26 кастрычніка. Супернікам стане Манголія, пачатак сустрэчы — а 08:00.

Турнір праходзіць у Баку з 24 па 30 кастрычніка. У ім удзельнічаюць каманды амаль з 190 нацыянальных футбольных асацыяцый. Праўда, гуляюць тут не зусім паводле звыклых правілаў: матчы праходзяць на зменшаных палях у фармаце восем на восем, а кожны тайм доўжыцца 20 хвілін.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]