Reuters: Пуцін адхіляе ўльтыматум Трампа

Нягледзячы на пагрозу новых санкцый.

Пуцін наўрад ці выканае ўльтыматум прэзідэнта ЗША Дональда Трампа, які патрабуе спынення вайны ва Украіне да пятніцы, нягледзячы на пагрозу новых санкцый і 100% тарыфаў на расейскую нафту, паведамілі Reuters крыніцы, блізкія да Крамля (пераклад — сайт Charter97.org).

З іх слоў, Пуцін мяркуе, што Расея перамагае на полі бою, а дадатковыя санкцыі ЗША не будуць мець сур'ёзнага ўплыву пасля ўжо прынятых захадаў за 3,5 года канфлікту.

Мэта Пуціна застаецца ранейшай - поўнае ўстанаўленне кантролю над чатырма рэгіёнамі Украіны: Данецкай, Луганскай, Запарожскай і Херсонскай абласцямі. Толькі пасля гэтага, на думку крыніц, ён будзе гатовы абмяркоўваць мірнае пагадненне.

Нягледзячы на жаданне захаваць стасункі з Трампам і палепшыць дыялог з Захадам, Пуцін не гатовы спыняць наступ. Як адзначыў адзін з суразмоўцаў агенцтва, «войска і народ не зразумеюць, калі ён спыніцца цяпер».

Спецпасланнік Трампа Стыў Уіткаф на гэтым тыдні наведае Маскву на фоне ўзмацнення рыторыкі з абодвух бакоў. Белы дом заявіў, што Трамп «хоча спыніць кровапраліцце» і менавіта таму пагражае жорсткімі мерамі.

Аднак у Крамлі ўпэўненыя, што Трамп можа не выканаць свае пагрозы, а Кітай і Індыя наўрад ці адмовяцца ад расейскай нафты.

Нягледзячы на страты ад санкцый, эканоміка Расеі адаптавалася, а вайна працягваецца — з дапамогай паставак набояў з КНДР і імпарту з Кітая. Крыніцы сцвярджаюць, што Генштаб РФ чакае краху ўкраінскай абароны ў найбліжэйшыя месяцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]