Axios: Трамп можа рыхтаваць аперацыю зрынання рэжыму Мадуры ў Венесуэле

"Сябар Лукашэнкі" ўжо запанікаваў.

ЗША пад выглядам барацьбы з наркагандлем у Венесуэле могуць паспрабаваць зрынуць рэжым дыктатара Нікаласа Мадуры. Вашынгтон ужо паабяцаў 50 млн даляраў за дапамогу ў ягоным злове.

Пра гэта паведамляе Axios.

Як піша выданне, ЗША ўжо накіравалі да берагоў Венесуэлы сем караблёў з 4500 вайскоўцамі. Сярод караблёў - тры эсмінцы, якія нясуць кіраваныя ракеты. Таксама да берагоў Венесуэлы перакінулі як мінімум адну падлодку.

Паводле інфармацыі Axios, нават самыя блізкія дарадцы прэзідэнта ЗША Дональда Трампа не ўпэўненыя ў тым, што караблі з салдатамі былі перакінутыя да Венесуэлы ў рамках аперацыі для барацьбы з наркагандлем. Яны дапускаюць аперацыю зрынання ўлады ў Каракасе.

У прэс-сакратар Белага дома Каралін Левіт ужо намякнула на двухсэнсоўнасць місіі, адзначыўшы, што ЗША ўважаюць Мадуру “ўвішным верхаводам” наркакартэля, а не законным прэзідэнтам Венесуэлы.

"Гэта на 105% пра нарка-тэрарызм, але калі Мадура апынецца больш не ва ўладзе, ніхто не будзе плакаць”, - расказаў журналістам неназваны прадстаўнік адміністрацыі Трампа.

Яшчэ адзін чыноўнік адміністрацыі дапусціў, што ЗША могуць правесці аперацыю, падобную на тую, што прайшла ў 1989 годзе, калі быў захоплены прэзідэнт Панамы Мануэль Нар'ега, якога таксама абвінавачвалі ў наркагандлі.

"Пакінуць Мадуру ва ўладзе ў Венесуэле - гэта як прызначыць Джэфры Эпштэйна загадваць дзіцячым садком", - сказаў яшчэ адзін дарадца Трампа.

Axios звярнула ўвагу, што ў складзе групоўкі, якую накіравалі да берагоў Венесуэлы, - 2200 марскіх пяхотнікаў. І гэта наўрад ці тыпова для аперацый, якія накіраваны на барацьбу з наркакартэлямі.

У сваю чаргу Мадура ўжо абвінаваціў ЗША ў спробе зрынання рэжыму.

"Тое, чым яны пагражаюць Венесуэле - змена рэжыму, вайсковая тэрарыстычная атака - гэта амаральна, злачынна і незаконна”, - заявіў ён.

Пры гэтым хаўруснік Мадуры з левага лагера, прэзідэнт Калумбіі Густава Петра распаўсюдзіў укід расейскіх СМІ, у якім ЗША абвінавачваюць у намеры захапіць нафту Венесуэлы.

Як піша выданне, галоўная надзея адміністрацыі ЗША палягае ў тым, што Мадура альбо добраахвотна сыдзе з пасады, альбо будзе ліквідаваны вайскоўцамі, якія разлічваюць атрымаць узнагароду або наладзіць стасункі з Вашынгтонам.

Прамое ўварванне здаецца малаверагодным, аднак чыноўнікі амаль напэўна чакаюць актыўныя перахопы падазроных караблёў з наркотыкамі ля венесуэльскіх берагоў.

"Некаторыя судны, безумоўна, будуць затрыманыя або знішчаныя”, - адзначыла адна з крыніц журналістаў.

Магчымыя таксама авіяўдары, пры гэтым патэнцыяльнымі мэтамі называюць маланаселеныя джунглі з плантацыямі кокі або тэрыторыямі дзейнасці картэляў, а таксама нядаўна пабудаваны расейскі завод боепрыпасаў.

Частка дарадцаў Трампа дапускае, што Мадура можа стаць цэллю ўдару дрона, паколькі ён афіцыйна прызнаны тэрарыстам, хоць крыніцы Axios уважаюць такі сцэнар за малаверагодны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]