Зяленскі: Мы не ведаем, з чым расейцы паедуць у Стамбул

Украіна рыхтуецца да новых дыпламатычных крокаў разам з партнёрамі ў Еўропе і ЗША.

На сёння ніхто не ведае, з чым прадстаўнікі Расеі збіраюцца ехаць на чарговыя "мірныя" перамовы ў Стамбул.

Аб гэтым заявіў прэзідэнт Украіны Уладзімір Зяленскі ў вячэрнім звароце.

Ён расказаў, што Украіна зараз рыхтуецца да новых дыпламатычных крокаў разам з партнёрамі ў Еўропе і ў ЗША. Між іншым, украінскі бок штодзень на сувязі з усімі, "хто можа зрабіць дыпламатыю непустой".

"На гэты час няма дакладнай інфармацыі, з чым расейцы збіраюцца ў Стамбул. У нас - не, у Турцыі - не, у Злучаных Штатаў - таксама няма, як і ў іншых партнёраў. І пакуль гэта выглядае не вельмі сур'ёзна", - паінфармаваў украінскі прэзідэнт.

Зяленскі дадаў, што гаварыў з гэтай нагоды ўчора з прэзідэнтам Турцыі Рэджэпам Эрдаганам. Ён падкрэсліў, што ўсе ў свеце хочуць, каб дыпламатыя запрацавала і было дасягнутае спыненне агню ва Украіне.

- Усе жадаюць, каб Расея спыніла гуляць з дыпламатыяй і сканчала вайну. Усе жадаюць сур'ёзнага міру, і Расея павінна на гэта пайсці. Менавіта такой павінна быць сустрэча, - заявіў Зяленскі.

Таксама прэзідэнт Украіны выказаў надзею, што ЗША "будуць рашучымі ў пытанні санкцый, каб дапамагчы міру".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com