У Харватыі адбылося масавае забойства ў доме састарэлых
7- 22.07.2024, 19:09
- 8,990
![У Харватыі адбылося масавае забойства ў доме састарэлых](https://i.c97.org/ai/603861/aux-head-1721664550-20240101_skriin_360.jpg)
Адстаўны паліцыянт забіў шэсць чалавек.
Адстаўны паліцыянт напаў на дом састарэлых у горадзе Дарувары ў Харватыі і забіў шэсць чалавек, паведамляе выданне Index са спасылкай на начальніка паліцыі.
«Пяць чалавек загінулі [на месцы], у выніку ў шпіталі <...> памёр яшчэ адзін чалавек», - распавёў паліцыянт. З яго слоў, яшчэ шэсць чалавек пацярпелі.
Нападнікам выявіўся паліцыянт у адстаўцы — 51-гадовы Крэшымір Пахокі з Ніжняга Дарувара. Адразу пасля атакі ён уцёк, але быў затрыманы каля мясцовай кавярні. Паводле звестак выдання, сярод забітых падапечных дома састарэлых была яго маці. Яна ўтрымлівалася там цягам апошніх дзясяці гадоў.
Са слоў суразмоўцы выдання, раней паліцыя ўжо мела справу з Пахокі, у тым ліку за неаднаразовае парушэнне грамадскага парадку. Са слоў знаёмых зламысніка, раней ён быў «добрым хлопцам», але пасля выхаду на пенсію стаў злоўжываць алкаголем, які «зрабіў сваю справу».