У Менску асудзілі арганізатараў «прадуктовай піраміды»

Яны зарабілі мільёны, падманваючы пастаўшчыкоў.

У Менску вынеслі прысуд групе арганізатараў «прадуктовай піраміды», якія падманам зарабілі мільёны, уводзячы ў зман пастаўшчыкоў, паведамляе прэс-служба Вярхоўнага суда.

На лаве падсудных апынуліся восем чалавек, ім выставілі абвінавачанні паводле часткі 4 артыкула 209 КК (Махлярства, учыненае арганізаванай групай або ў асабліва значнай суме). Адзін з абвінавачаных таксама быў абвінавачаны адпаведна з часткай 1 артыкула 342 КК (Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх).

Следства ўстанавіла, што з 2021 да 2022 года яны завалодалі сродкамі юрыдычных асоб і індывідуальных прадпрымальнікаў на суму, не меншую за 2 606 392,35 рублі. Суд прызнаў усіх вінаватымі і прызначыў пакаранні ў выглядзе пазбаўлення волі ад 4 да 9 гадоў, а таксама штрафаў у суме ад 12 да 32 тысяч рублёў.

Акрамя таго, з абвінавачаных у салідарным парадку спагналі маёмасную шкоду на карысць 38 цывільных пазоўнікаў на суму 1 710 656,28 рубля, а таксама дзяржаўны падатак у суме 85 532,82 рубля. Пазовы яшчэ 11 пазоўнікаў аб кампенсацыі шкоды былі накіраваныя на разгляд у рамках грамадзянскага судаводства.

Прысуд пакуль не ўвайшоў у законнае дзеянне і можа быць абскарджаны ва ўстаноўленым законам парадку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]