Міф Пуціна разбураны: Расейскія прапагандысты запанікавалі праз настроі ў Крыме
3- 1.12.2023, 18:55
- 17,686
![Міф Пуціна разбураны: Расейскія прапагандысты запанікавалі праз настроі ў Крыме](https://i.c97.org/p/articles/ai-155093-aux-head-krym_eto_ukraina_360.jpg)
Колькасць прыхільнікаў Украіны на паўвостраве расце.
Расейскія прапагандысты прызналі, што ў анэксаваным Крыме шырока распаўсюджаныя праўкраінскія настроі і вялікая колькасць мясцовых жыхароў вельмі чакае вяртання Украіны. Z-патрыёты прызнаюцца, што ім страшна ад такой колькасці прыхільнікаў Украіны вакол, і яны заклікаюць ужываць да ўкраінцаў самыя жорсткія захады і рэпрэсіі.
Пра гэта расказаў украінскі журналіст і блогер Дзяніс Казанскі на сваім YouTube-канале.
Сярод іншага, вядомы Z-прапагандыст Сяргей Весялоўскі, які сам жыве ў Крыме і падтрымлівае вайну РФ супраць Украіны, паскардзіўся, што яго ненавідзяць уласныя землякі, якія пагражаюць яму за ягоную прапуцінскую пазіцыю.
«Як цікава атрымліваецца. У 2014 годзе расейская дзяржаўная прапаганда сцвярджала, што ў Крыме ўвогуле практычна няма ўкраінцаў. Крым расейскі, там усе за Расею і ўсе ў адзіным парыве схадзілі на рэферэндум і прагаласавалі за ўз'яднанне з РФ. І вось прайшлі гады, і цяпер тыя самыя прапагандысты скардзяцца, што вакол ворагі, якія чакаюць прыходу ўкраінскага войска», – адзначыў Казанскі.
На іншым прапагандысцкім крымскім тэлеканале «Крым 24» прапанавалі дэпартаваць усіх непажаданых украінцаў, якія нязгодныя з акупацыяй.
«Не важна, што яны робяць. Калі ты проста не згодны з вайной супраць сваёй краіны, то табе пагражае высяленне з уласнага дома проста за пазіцыю», – сказаў журналіст.
Такім чынам, у сутнасці, Расея патрабуе ад усіх жыхароў Крыма думаць паводле метадычкі, паводле інструкцыі.