У свеце рэкордна павялічылася плошча гарадоў

Плошча гарадоў за апошнія 20 гадоў павялічылася больш чым у два разы.

Навукоўцы высветлілі, што плошча гарадоў у яе глабальным вымярэнні за апошнія 20 гадоў павялічылася больш чым у два разы. Пра гэта гаворыцца ў артыкуле, апублікаваным у часопісе Science Bulletin.

Даследаванне праводзілася групай з Інстытута геаграфічных навук і даследаванняў прыродных рэсурсаў Кітайскай акадэміі навук, Паўночна-Усходняга сельскагаспадарчага ўніверсітэта і Фуцзяньскага педагагічнага ўніверсітэта. Ягоныя вынікі сведчаць пра тое, што тэрыторыі гарадоў ва ўсім свеце з 239 тыс. кв. км у 2000 годзе выраслі да 519,8 тыс. кв. км у 2020.

Звесткі атрымалі з дапамогай спадарожнікаў, а потым распрацавалі план гарадской экспансіі з разрознасцю 30 метраў. У пералік быў уключаны план непранікальных паверхняў, зеляніны і водных плёсаў з інтэрвалам кожныя пяць гадоў.

Адзначаецца, што за апошнія дзесяць гадоў гарадская экспансія развівалася з хуткасцю 17,5 тыс. кв. км за год.

Плошчы зялёных пасадак у гарадах летась налічвалі 171,6 тыс. кв. км, гэта значыць 33% ад агульнай плошчы гарадскіх земляў. У 2000 годзе гэты паказнік складаў 65,4 тыс. кв. км – 27% ад агульнай плошчы.