Еўрапейскі дыпламат: ЕЗ не вызначыўся, ці патрэбны Лукашэнка на Рыжскім саміце

Пастанова аб магчымым удзеле Аляксандра Лукашэнкі ў саміце «Усходняга партнёрства» ў Рызе будзе разглядацца пасля адказу беларускага боку на запрашэнне.

Пра гэта карэспандэнту «Укрінформ» у Брусэлі паведаміў высокапастаўлены дыпламат ЕЗ.

«Усе шэсць краін «Усходняга партнёрства» атрымалі запрашэнне на Рыжскі саміт. Беларусь яшчэ не адказала, ці прымае запрашэнне. Таму пастанова аб тым, хто можа прадстаўляць гэтую краіну, будзе абмяркоўвацца пасля пацверджання беларускім бокам свайго ўдзелу ў саміце», - распавёў суразмоўца.

Нагадаем, сёння Аляксандр Лукашэнка на сустрэчы з еўракамісарам у еўрапейскай палітыцы суседства і перамоваў аб пашырэнні ЕЗ Ёханесам Ханам заявіў аб жаданні перафарматаваць «Усходняе партнёрства».