Некаторыя правайдэры пачалі блакаваць сайт Хартыі

Правайдэры атрымалі спіс абмежаванага доступу, які будзе распаўсюджвацца на ўсіх беларускіх карыстальнікаў.

Пра гэта charter97.org паведаміла крыніца.

Новы спіс складзены на аснове папярэдняга "чорнага" спісу РУП "БелДІЭ", куды былі ўключаныя, у тым ліку, незалежныя навінавыя сайты Хартыі і Беларускага партызана. Раней паводле спісу блакаваліся непажаданыя сайты для карыстальнікаў з дзяржструктур, устаноў адукацыі і культуры, цяпер жа блакіроўка распаўсюдзіцца на ўсіх інтэрнэт-карыстальнікаў з Беларусі.

Як паведамляюць відавочцы, некаторыя правайдэры неадкладна выканалі распараджэнне і заблакавалі Хартыю. Напрыклад, charter97.org недаступная для кліентаў менскага інтэрнэт-правайдэра IP Telcom.

Калі вы сутыкнуліся з блакаваннем, паведаміце нам аб гэтым.

Каб абыйсці блакаванне, скарыстайцеся нашай інструкцыяй.