Палітвязень Васьковіч пераведзены ў калонію

Яўген Васьковіч пераведзены з турмы строгага рэжыму ў калонію №15 у Магілёве.

Пра гэта стала вядома аднаму з чальцоў аргкамітэта ў стварэнні партыі «Беларуская хрысціянская дэмакратыя» Паўлу Пракаповічу. Хутчэй за ўсё, перавод адбыўся яшчэ на мінулым тыдні, паведамляе «Радыё Рацыя».

«12-га кастрычніка споўнілася роўна тры гады, як ён трапіў у турму. Ён прайшоў праз цяжкія выпрабаванні за гэтыя тры гады - шматлікія памяшчэнні ў штрафны ізалятар, усебаковы ціск, абмежаванні, цяжкую псіхалагічную атмасферу. Улады ўсялякімі сіламі хацелі прымусіць яго да прашэння аб памілаванні. Але Яўген вытрымаў», - паведаміў Пракаповіч.

Са слоў актывіста, за 3 гады ў турме Яўген Васьковіч правёў у штрафным ізалятары паводле надуманых падстаў 247 дзён.