Фільм пра палітвязня Францкевіча: «Чалавек са сталі»

Новы міні-фільм з серыі «Хроніка суднага часу» з'явіўся ў сетцы.

Стужка прысвечаная палітвязню Аляксандру Францкевічу, які літаральна на днях быў у чарговы раз кінуты ў турэмны карцэр.

Аляксандр Францкевіч быў узяты пад варту з 3 верасня 2010 года. Праходзіў па «справе анархістаў». 27 траўня 2011 года судом Завадскога раёна асуджаны разам з Ігарам Аліневічам і Мікалаем Дзядком. Францкевіча судзілі па ч. 2 арт. 351 КК (наўмыснае знішчэнне кампутарнай інфармацыі) і ч.2 арт.339 Крымінальнага кодэкса (злоснае хуліганства) і прызначылі пакаранне - 3 гады пазбаўлення волі ва ўмовах узмоцненага рэжыму. У верасні 2011 года беларускія праваабаронцы прызналі Аляксандра Францкевіча палітычным вязнем. Адбывае пакаранне ў калоніі № 22 у Івацэвічах.