Марэк Мігальскі: ЕЗ не павінен забываць пра палітвязняў у Беларусі

ЕЗ павінен запатрабаваць на саміце «Усходняга партнёрства» ад беларускіх уладаў вызвалення і рэабілітацыі палітвязняў.

Пра гэта заявіў еўрадэпутат Марэк Мігальскі, (пераклад - charter97.org).

Роўна праз месяц у Вільні пачнецца саміт Усходняга партнёрства. Нягледзячы на заклікі міжнародных праваабарончых арганізацый і беларускіх апазіцыйных рухаў, было прынятае рашэнне аб запрашэнні ў Вільню прадстаўнікоў беларускіх уладаў.

Марэк Мігальскі звярнуўся да міністраў замежных спраў Еўрапейскага звяза і нагадаў ім, што сітуацыя з правамі чалавека ў Беларусі ў цэлым не паляпшаецца - беларускі рэжым брутальна распраўляецца са сваімі апанентамі, душыць праваабаронцаў і абмяжоўвае асноўныя свабоды сваіх грамадзян, паведамляе сайт дэпутата Еўрапарламента.

Еўраамбасадар заклікаў еўрапейскіх палітыкаў падняць падчас размоваў з прадстаўнікамі беларускіх улад пытанне аб сітуацыі з палітычнымі вязнямі і запатрабаваць іх неадкладнага вызвалення і рэабілітацыі.