Тугадумы

Беларусь пазней дасць афіцыйную адзнаку вяртання амбасадараў ЕЗ у краіну, заяўляюць у МЗС.

У міністэрстве замежных спраў Беларусі лічаць, што пакуль заўчасна даваць афіцыйную адзнаку па факце вяртання амбасадараў Еўразвяза ў рэспубліку.

«Зараз намеціліся пэўныя тэндэнцыі працэсаў, якія павінныя выспець. Мы ў свой час яшчэ вернемся да гэтага пытання», - заявіў начальнік упраўлення інфармацыі - прэс-сакратар МЗС Беларусі Андрэй Савіных у чацвер на брыфінгу ў Менску, паведамляе «Інтэрфакс».

Такім чынам ён адказаў на пытанне пра тое, як ацэньвае Менск факт вяртання амбасадараў Еўразвяза ў Беларусь і тую акалічнасць, што 23 красавіка Еўразвяз не стаў разглядаць так званае беларускае пытанне.