Фінляндыя супраць ЧС па хакеі ў Менску

Урад Фінляндыі звернецца да Нацыянальнай хакейнай асацыяцыі з прапановай выступіць за перанос чэмпіянату ў іншую краіну.

Міністр культуры і спорту Паава Архимякі заявіў у парламенце краіны, што буйныя спартовыя мерапрыемствы выкарыстоўваюцца Менскам для падтрымкі дыктатара, паведамляе выданне Helsingen Sanomat (пераклад - charter97.org). Таму ўрад Фінляндыі звярнуўся да Нацыянальнай хакейнай асацыяцыі з прапановай выкарыстоўваць свае паўнамоцтвы для пазбаўлення Беларусі права на правядзенне турніру.

«На думку ўрада, чэмпіянат павінен быць перанесены ў іншую краіну», - сказаў міністр.