Экспарцёры скарацілі прапанову валюты на біржы

Аб'ём біржавых таргоў замежнымі валютамі на Беларускай валютна-фондавай біржы (БВФБ) за тыдзень 8-12 кастрычніка склаў Br4,84 трлн, што на 10,3% менш у параўнанні з папярэднім тыднем.

Па дадзеных БВФБ, за тыдзень 1-5 кастрычніка аб'ём таргоў замежнымі валютамі склаў Br5,06 трлн, што на 13,9% менш, чым за тыдзень 24-28 верасня.

У перыяд 8-12 кастрычніка на біржы было прададзена $237,4 тыс. (на 21,8% менш у параўнанні з папярэднім тыднем), 5021 млн расейскіх рублёў (на 0,8% менш), 127,8 млн еўра (на 0,9% больш), паведамляе «Інтэрфакс».

На думку ўдзельнікаў біржавога рынка, скарачэнне прапановы валюты, у прыватнасці, даляраў ЗША, адлюстроўвае дэвальвацыйныя чаканні экспарцёраў, якія імкнуцца абмежаваць прапанову замежнай валюты сумай, неабходнай для выканання нарматываў па яе абавязковым продажы (30% ад валютнай выручкі).

Як паведамлялася, у верасні 2012 года аб'ём біржавых таргоў валютай склаў Br20,66 трлн, скараціўшыся на 8,7% у параўнанні са жніўнем.