Злотнікаў: Увесну будзе зноў цяжкая эканамічная сітуацыя

Выступаючы 10 студзеня на цырымоніі ўручэння прэмій «За духоўнае адраджэнне» Аляксандр Лукашэнка заявіў, што Беларусь перажыла няпросты перыяд без катастроф і страт.

Незалежны эканаміст Леанід Злотнікаў перакананы, што цяжкія часы для рэспублікі яшчэ не скончыліся.

«Ужо да вясны ў Беларусі складзецца цяжкая эканамічная сітуацыя - у Беларусі вялікі адток валюты, таму што за папярэднія гады ў нас утварылася прыстойная колькасць даўгоў. І ў 2012 годзе нам трэба іх аддаваць. Аддаваць павінныя ўсе - і ўрад, і прадпрыемствы, і банкі. Каля мільярда даляраў на месяц у гэтым годзе Беларусь павіннае вяртаць. Яшчэ пару мільярдаў Беларусь павіннач нерэзідэнтам - замежным інвестарам, якія чакаюць прыбытку ад сваіх укладанняў. Таму Беларусь сама ўляціць у чарговы эканамічны крызіс, без усялякай правакацыі з боку Расеі», - сказаў эксперт у інтэрв'ю «Народнай волі».