У экспарцёраў адбіраюць валюту?

У Беларусі пашырыўся спіс прадпрыемстваў, абавязаных прадаваць валюту.

Адпаведны ўказ № 326 «Аб некаторых пытаннях абавязковага продажу замежнай валюты» Аляксандр Лукашэнка падпісаў 25 ліпеня.

Поўны тэкст указа пакуль недасяжны.

«Улічваючы сітуацыю, якая склалася на ўнутраным валютным рынку, а таксама ў мэтах стварэння роўных умоваў гаспадарання адменены шэрагу ільгот па абавязковым продажы замежнай валюты, якія існавалі да гэтага часу», паведамляе прэс-служба Лукашэнкі.

Як растлумачылі ў прэс-службе, «прыняцце дакумента дазволіць павялічыць долю замежнай валюты, якая прадаецца ў абавязковым парадку».

Указ уступае ў сілу пасля яго афіцыйнага апублікавання.