«Белаграпрамбанк» увёў абмежаванні па картках
15- 25.04.2011, 11:45
«Белаграпрамбанк» увёў часовыя абмежаванні па аперацыях з выкарыстаннем картак, выпушчаных у абарачэнне банкам.
З 22 красавіка па банкаўскіх пластыкавых картках ААТ «Белаграпрамбанк» выпушчаных да рахункаў (карт-рахункі фізічных і юрыдычных асоб, рахункі па ўліку крэдытнай запазычанасці) у беларускіх рублях, па аперацыях за межамі Рэспублікі Беларусь усталяваныя наступныя ліміты расходавання грашовых сродкаў (у далярах ЗША альбо эквіваленце па курсе плацежнай сістэмы):
па картках Maestro, Visa Electron Debit, Visa Electron Credit, Visa Instant дзённы ліміт атрымання наяўных грашовых сродкаў у банкаматах і пунктах выдачы наяўных - 50$, тыднёвы ліміт атрымання наяўных грашовых сродкаў у банкаматах і пунктах выдачы наяўных - 250$, дзённы ліміт ажыццяўлення безнаяўных разлікаў у арганізацыях гандлю і сервісу - 200$, тыднёвы ліміт ажыццяўлення безнаяўных разлікаў у арганізацыях гандлю і сервісу - 1000$.
па картках MasterCard Standard, MasterCard Gold, Visa Classic, Visa Gold - 100, 500, 500, 2500 адпаведна.
па картках MasterCard Business, Visa Business - дзённы ліміт атрымання наяўных грашовых сродкаў у банкаматах і пунктах выдачы наяўных -100, тыднёвы ліміт атрымання наяўных грашовых сродкаў у банкаматах і пунктах выдачы наяўных - 500, тыднёвы ліміт ажыццяўлення безнаяўных разлікаў у арганізацыях гандлю і сервісу - 3000.
