Прыхільнікі «Ляпісаў» правялі забаронены канцэрт на вуліцы

2 красавіка фанаты гурта «Ляпіс Трубяцкой» сабраліся каля менскага клуба «Рэактар».

Яны здалі квіткі на адменены канцэрт, а таксама праспявалі некалькі песень любімага калектыву. Такім чынам удзельнікі акцыі выказалі салідарнасьць з музыкамі.

«Ляпіс Трубяцкой» планаваў адыграць канцэрты ў «Рэактары» 1 і 2 красавіка. 28 сакавіка сталі вядома, што выступы адмененыя, паведамляе Радыё Свабода.

Гурт уваходзіць у «чорны спіс». У спіс ўключана прыкладна 30 дзеячоў мастацтва і культуры і 15 калектываў, якія забаронена згадваць у афіцыйных беларускіх СМІ. Фігуранты спісу выступілі ў падтрымку дэмакратыі ў Беларусі і патрабавалі вызваліць палітвязняў.