Генпракуратура: У менскім метро адбыўся тэракт
14- 12.04.2011, 1:08
Генпракуратура Беларусі заявіла, што ў менскім метро адбыўся тэракт.
"Сёння прыкладна ў 17.54 на станцыі "Кастрычніцкая" адбыўся тэрарыстычны акт. Па дадзеным факце ўзбуджаная крымінальная справа, створаная сумесная следчая група", - паведаміў намеснік генеральнага пракурора Беларусі Андрэй Швед журналістам пасля нарады ў Лукашэнкі, перадае РІА "Новости".
Швед узначаліў следчую групу, якая расследуе абставіны выбуху.
Па ягоных словах, цяпер праводзяцца неабходныя следчыя дзеянні, усе версіі выбуху будуць распрацаваныя і расследаваныя ў поўным аб'ёме.
Міністр аховы здароўя паведаміў на нарадзе, што пры выбуху ў метро загінулі 11 чалавек, пацярпелі 126 чалавек.
