Адпусьцілі, але абрабавалі

Калі актывісты вярнуліся ў кватэру, дзе іх затрымалі людзі ў цывільным, то пабачылі, што няма ні аднаго ноўтбука, пашпартоў, студэнцкіх білетаў, грошай і нават заліковак.

Аб гэтым паведаміў газеце «Народная воля» моладзевы актывіст Сяргей Гумінскі. Яго і таварышаў - студэнтаў замежных вну, якія прыехалі дадому, у Менск, каб удзельнічаць у акцыі на Дзень Волі, арыштавалі прэвэнтыўна наўпрост ў кватэры.

У грамадзяніна Польшчы, які быў разам са студэнтамі, людзі ў цывільным, якія называлі сябе супрацоўнікамі крымінальнага вышуку, забралі нататнік.