Мядзведзеў і Назарбаеў абмяркуюць Мытны саюз без Лукашэнкі
19- 3.09.2010, 17:42
На сустрэчу ў Казахстане беларускага кіраўніка не паклікалі.
Супрацоўніцтва ў гандлёва-эканамічнай сферы, у энергетыцы, праблематыка Мытнага саюза і Адзінай эканамічнай прасторы стануць тэмамі візіту прэзідэнта Расеі Дзмітрыя Мядзведзева ў казахстанскі Усць-Каменагорск, які мае адбыцца 6-7 верасня, дзе ён правядзе перамовы з Нурсултанам Назарбаевым, паведамляе РІА Навіны.
«Будзе абмяркоўвацца супрацоўніцтва ў касмічнай галіне, у сферы энергетыкі, у атамнай сферы, а таксама ВТС, праблематыка СНД, Мытнага саюза, у тым ліку практыка сумеснага кантролю на знешняй мяжы МС, узаемадзеянне ў АДКБ, ШАС, пытанні, звязаныя са старшынствам Казахстана ў АБСЕ, каспійская тэматыка», - паведаміў памочнік кіраўніка расейскай дзяржавы Сяргей Прыходзька.
«Цяперашні працоўны візіт Мядзведзева ў Казахстан стане ўжо восьмай па ліку сустрэчай прэзідэнтаў дзвюх краінаў сёлета», - нагадаў ён.
Як адзначае АФН, Лукашэнка тым часам будзе ў Менску ўважліва сачыць за тым, каб беларускія «дэпутаты» ў патрэбным рэчышчы правялі першае чытанне праекта бюджэту-2011 і спадарожных дакументаў, а таксама ў выпадку чаго былі гатовыя без затрымак і лішніх пытанняў даць старт выбарчай кампаніі.
