Гары Паганяйла патрабуе не рэгістраваць ініцыятыўную групу дыктатара
25- 15.09.2010, 13:54
Юрыст спадзяецца, што яго ініцыятыва звароту з заявай у ЦВК стане прыкладам, які пераймуць іншыя грамадзяне Беларусі.
Юрыст праваабарончай арганізацыі «Беларускі Хельсінкскі камітэт» Гары Паганяйла рыхтуе заяву ў Цэнтральную выбарчую камісію з патрабаваннем адмовіць у рэгістрацыі ініцыятыўнай групе па вылучэнні кандыдатам у прэзідэнты Рэспублікі Беларусь Аляксандра Лукашэнкі.
Сваю ініцыятыву Гары Паганяйла ў інтэрв'ю «Радыё Свабода» пракаментаваў так:
«Ініцыяваны ім рэферэндум 17 кастрычніка 2004 года - незаконны і неканстытуцыйны. Вынікам яго правядзення стала ўзурпацыя ўлады ў Беларусі, улады аднаго чалавека на неабмежаваны тэрмін і, фактычна, змены канстытуцыйнага ладу ў краіне. Такія змены дзеючай Канстытуцыі і законаў не могуць быць прызнаныя легітымнымі. Усе органы ўлады ў РБ і адказныя асобы павінны кіравацца гэтымі пазіцыямі і захоўваць дзяржаўны канстытуцыйны лад», - кажа Гары Паганяйла.
