Дыктатар «прыватызаваў» даменную зону. by?

Лукашэнка адным указам нагарадзіў столькі праблем і несутыкненняў у Байнэце, што разграбаць будзем не адзін год.

Беларускі кіраўнік раздаў даручэнняў і абавязкаў усім - ад наведвальнікаў інтэрнэт-кавярняў да вэбмайстраў дзяржсайтаў. І так, паміж справай, адрэгулявалі раздачу BY-даменаў, раз ужо яны «беларускія». Згодна з указам № 60, Аператыўна-аналітычны цэнтр пры прэзідэнце Рэспублікі Беларусь «вызначае парадак рэгістрацыі даменных імёнаў у прасторы іерархічных імёнаў нацыянальнага сегмента сеткі інтэрнэт».

Аднак, як піша сайт Electroname.com, насамрэч Рэспубліцы Беларусь дамен. by не належыць, ён нават не належыць ААЦ і «Адкрытаму кантакту», якія з'яўляюцца ўсяго толькі адміністратарам і тэхнічным адміністратарам дамэннай зоны адпаведна. Правам адміністраваць і ўсталёўваць правілы рэгістрацыі даменаў «АК» і ААЦ надзяліла міжнародная некамерцыйная арганізацыя IANA, якая ў сваю чаргу знаходзіцца пад кантролем ICANN. І гэта яшчэ не ўсё. Сама карпарацыя ICANN створана пры ўдзеле ўрада ЗША для рэгулявання пытанняў, звязаных з даменам імёнамі, IP-адрасамі і іншымі аспектамі функцыянавання інтэрнэту. І як ні стараліся «прагрэсіўныя» у плане свабоды нацыянальных нэтаў Лівія, Іран, Паўночная Карэя, Куба і іншыя змяніць праз ААН стан рэчаў, які склаўся, пакуль інтэрнэт знаходзіцца, і, дзякуй Богу, пад кіраўніцтвам амерыканскага ўрада.

Пры жаданні любы смяльчак узроўню Юрыя Зісера можа, заручыўшыся, напрыклад, падтрымкай і экспертызамі міжнародных праваабарончых арганізацый і нацыянальнай інтэрнэт-супольнасці, падаць скаргу ў ICANN і, спасылаючыся на парушэнне ўзятых на сябе абавязацельстваў, пазбавіць ААЦ і «Адкрыты кантакт» адміністрацыйных паўнамоцтваў. А нагод дастаткова: падазроныя тэхнічныя збоі DNS падчас прэзідэнцкіх выбараў 2001 года, шматлікія адмовы пры рэгістрацыі даменаў без тлумачэння прычын, скупка самых «смачных» даменаў самім адміністратарам. Сітуацыя чыста гіпатэтычная, але як быць далей? Згодна з патрабаваннямі ICANN, адміністратарам дамена можа быць любая беларуская легальная арганізацыя, якая адпавядае шэрагу фармальных умоў, а ўказ такую магчымасць дае толькі адной структуры. У наяўнасці супярэчнасць.