Кватэры ў Менску зноў патаннелі
32- 1.10.2010, 9:38
Так танна, як сёння, набыць кватэру ў Менску можна было толькі на пачатку 2007 года.
Праўда, танна адносна - паводле дадзеных Нацыянальнага кадастравага агенцтва, кошт квадратнага метра ў жніўні склаў $1 203, а ў верасні (дадзеныя няпоўныя) - $1 238, паведамляе «Інтэрфакс-Захад».
Але калі ўзгадаць, што ў 2008 годзе сярэдні кошт «квадрата» склаў $1 731 (а восенню 2007-га і зусім ушчыльную наблізіўся да $2 тыс.), то падзенне коштаў выглядае цалкам камфортным. Натуральна, для пакупнікоў. Праўда, варта адзначыць, што ў апошнія месяцы час казаць пра стабілізацыю кошту «квадрата» і яго нязначным ваганні ў раёне $1 200 - $1 250.
У той жа час, паводле дадзеных партала realt.by, сярэдняя цана прапановы ў Менску складае $1 321 за кв. м. Гэта значыць розніца паміж коштам прапановы і рэальнымі здзелкамі складае каля $100 за квадратны метр. Здаецца няшмат, але пры продажы двухпакаёвай кватэры плошчай 50 кв. м. яна ўжо складае $5 тыс. Менавіта яны і з'яўляюцца прадметам гандлю.
Колькасць здзелак у сталіцы ўпала ў паўтары разы: калі ў 2009 годзе за студзень - верасень было прададзена-куплена 7,4 тыс. кватэр, то цяпер за тыя ж 9 месяцаў - усяго 5,1 тыс. Тут ужо можна казаць пра высокія адсоткі банкаўскіх крэдытаў на нерухомасць - далёка не кожная сям'я здольная «пацягнуць» крэдыт. І ўжо, тым больш, далёка не кожнай сям'і яго дадуць. Так ці інакш, але эксперты рынка прагназуюць, што кошты на жылую нерухомасць у бліжэйшы час змяняцца не будуць.
Што прапаноўваецца на рынку? Выбар вялікі, аднак у большай ступені гэта другаснае жыллё - «пяршоўкі» няшмат, хоць у базе найбуйнейшых рыелтарскіх агенцтваў ёсць прывабныя прапановы.
Шырокі выбар жылля розных спажывецкіх якасцей (як у Менску, так і ў сталічным рэгіёне) будзе прадстаўлены на спецыялізаванай выставе «Камерцыйная і жылая нерухомасць», якая пройдзе ў выставачным павільёне «БелЭкспа» (Менск, вул. Янкі Купалы, 27) з 25 па 27 лістапада.
Дарэчы, наведвальнікі выставы змогуць не толькі вывучыць прапановы, але і атрымаць бясплатныя аргументаваныя адказы на існуючыя пытанні ў кансультантаў, якія будуць працаваць на стэндах удзельнікаў выставы.
