Бюро ПАРЕ вернецца да беларускага пытання 26 чэрвеня
1- 25.06.2009, 9:19
26 чэрвеня на нефармальнай сустрэчы ў Страсбурзе будзе абмяркоўвацца прынятая ПАРЕ 23 чэрвеня рэзалюцыя па пытанні вяртання Беларусі статусу спецыяльнага запрошанага ў асамблеі.
Афіцыйная сустрэча бюро, на якой юрыдычна павінна быць зацверджаная гэтая рэзалюцыя, адбудзецца 7 верасня ў Парыжы.
23 чэрвеня Парламенцкая асамблея Рады Еўропы выразна дала зразумець, што статус спецыяльнага запрошанага будзе вернуты Беларусі толькі ў выпадку ўвядзення мараторыя на смяротнае пакаранне, перадае БелаПАН.
Таксама ПАРЕ неабходна вызначыцца, якім чынам будзе забяспечанае яшчэ адно патрабаванне рэзалюцыі — абавязковае ўключэнне ў выпадку вяртання статусу спецыяльнага запрошанага ў склад дэлегацыі ад Беларусі прадстаўнікоў пазапарламенцкай апазіцыі.
