Уладзімір Навумаў: «У мяне была праца, дзе я атрымліваў адмоўную інфармацыю»

Пасля адстаўкі з пасады міністра ўнутраных спраў Уладзімір Навумаў заяўляе, што засяродзіўся на абавязках кіраўніка хакейнай федэрацыі.

15 красавіка беларуская зборная правяла апошнюю трэніроўку перад ад'ездам на чэмпіянат свету ў Швейцарыю. Перыядычна каля лядовай пляцоўкі Палаца спорту з'яўляўся Ўладзімір Навумаў. Ён быў вельмі актыўны, адзначае «Комсомольская правда в Беларуси». Падчас матчу Навумаў распавёў аб сваёй адстаўцы.

- Чым вы займаецеся пасля адстаўкі?

- Я б не шукаў у гэтым падаплёку. Не абавязкова, калі чалавек сыходзіць па стане здароўя, у яго не павінна быць рук або ног. Галоўнае - гэты маральны стан. Вось вы як журналіст кожны дзень сустракаецеся з рознымі людзьмі і атрымліваеце, у тым ліку, і станоўчую інфармацыю. У мяне была праца, дзе я атрымліваў у асноўным адмоўную інфармацыю. Гэта праца, дзе трэба разбірацца з тым, што знаходзіцца на дне жыцця. Таму я сапраўды высільваўся. Але я папрасіў, каб усе пытанні на тэму, чым я буду займацца, гучалі, можа быць, у верасні. Пакуль я нават не хачу думаць, чым я буду займацца. Я зараз аб гэтым не моцна неапкоюся. Мне галоўнае - аднавіцца.

- Гэта значыць зараз на позве дня справы хакейныя?

- За ўсе гэтыя годы я ім павінен. Мне цікава гэтым займацца. Але я не мог аддаваць хакею столькі часу, колькі мне атрымліваецца надаваць зараз. Я, напрыклад, магу пабыць на кожнай трэніроўцы. Вось зараз будзе збор тых хакеістаў, якія выступаюць у «Дынама». Каманда да наступнага сезону рыхтуецца вельмі сур'ёзна. Ужо падпісаны кантракт з Ханэсам Хювененам (фін выступаў за «Дынама» у мінулым сезоне.) - гульцом першага звяна. З ім пытанне было вырашанае яшчэ два месяцы таму. Вырашаліся чыста тэхнічныя пытанні. Пасля таго як Хювенен сустрэўся з Хэнланам, у іх усталявалася поўнае паразуменне. Я ведаю, што ідзе абмеркаванне кантракту з Джэфам Платам. Ён гуляў у мінулым сезоне адзін месяц. Яму зараз прапанавалі выступаць у НХЛ, але ён сказаў, што яму вельмі хочацца вярнуцца ў «Дынама», у наш горад.