Спецслужбы вялі прамую трансляцыю з акцыі 25 сакавіка (Фота)

25 сакавіка на акцыі ў Дзень Волі ў Менску быў заўважаны незвычайны мікрааўтобус, які з'явіўся каля будынку прэзідыўма Нацыянальнай акадэміі навук яшчэ 20 сакавіка.

Танаваныя вокны, шмат антэн розных дыяпазонаў на даху, у тым ліку тэлескапічных, падобных да тых, якімі абсталяваныя вайсковыя машыны сувязі. Але, мабыць, найбольшай славутасцю мікрааўтобуса з'яўлялася камера назірання, размешчаная на даху ў шарападобным корпусе — падобныя прыборы таксама выкарыстоўваюцца ў войску, піша БелаПАН.

Як правіла, у такім шарападобным корпусе, акрамя камеры, якая валодае магчымасцю моцнага павелічэння і якая працуе ў аптычным дыяпазоне, можа знаходзіцца цеплавізійная камера і далямер.

Службы бяспекі ЗША даўно выкарыстоўваюць кампутарны аналіз здымкі мясцовасці ў мэтах забеспячэння бяспекі прэзідэнта. За некаторы час — калі дэталі візіту прэзідэнта грамадскасці яшчэ не вядомыя, — на гэтым месцы выконваецца здымка. Праз нейкі час, калі грамадскасць апавяшчаюць аб магчымым прыездзе прэзідэнта, відэаздымка выконваецца ізноў. Пасля праводзіцца кампутарны параўнальны аналіз малюнкаў, і выяўляюцца ўсе змены, якія адбыліся, уключаючы нават такія, як з'яўленне на падваконні «лішняй» кветкі. Такая праца дапамагае выявіць магчымыя падрыхтоўкі да замаху на ахоўную асобу.

У практычным жа ўжыванні ў нас гэты аўтамабіль заўважаны 25 сакавіка на акцыі ў Дзень Волі.

Наогул, здымаць акцыі апазіцыі ў Беларусі пачалі яшчэ ў 1997 годзе — з люка мікрааўтобуса. Тады апазіцыянеры сустрэлі аператара ад спецслужбаў градам снежак. Досвед хутка ўлічылі, і неўзабаве вакол люка аператара зрабілі празрыстую агароджу з аргшкла.

Пазней сталі вырабляць здымку з вокнаў легкавых аўтамабіляў і аператарамі, якія знаходзіліся «у гушчы падзей» з неабходным «прыкрыццем».

У цяперашні час тэхнічнае абсталяванне спецслужбаў дазваляе аператару весці прамую трансляцыю відэавыявыа з высокім дазволам прама ў «цэнтральны офіс».

Са з'яўленнем гэтага аўтамабіля магчымасці назірання спецслужбаў значна пашырыліся. Відэакамера, размешчаная ў шарападобным корпусе, мае магчымасць моцнага набліжэння, а таксама якасную сістэму стабілізацыі выявы. Натуральна, маецца магчымасць прамой трансляцыі малюнка. Таксама не выключаная магчымасць прыёму відэасігналу ад некалькіх пешых аператараў, якія маюць неабходны камплект апаратуры.