Макей на Менскім форуме: Мы разгледзім пытанне аб прызнанні Абхазіі і Паўднёвай Асеціі

Беларуская «палатка» на наступным тыдні разгледзіць пытанне аб прызнанні незалежнасці Абхазіі і ПА.

Пра гэта заявіў журналістам кіраўнік адміністрацыі прэзідэнта Беларусі Уладзімір Макей у сераду на Менскім форуме, што праходзіць, паведамляе РИА "Новости".

«На наступным тыдні парламент пачне разглядаць пытанне аб магчымасці прызнання незалежнасці Абхазіі і Паўднёвай Асеціі», - сказаў Макей.

Ён дадаў, што беларускія «дэпутаты» маюць намер наведаць Абхазію і Паўднёвую Асецію. «Дэпутаты маюць намер выехаць у рэгіён, каб вывучыць сітуацыю на месцы», - сказаў Макей.

Паседжанне «палаты прадстаўнікоў» «нацыянальнага сходу» Беларусі запланаванае на чацвер.

Каля года таму Абхазія і Паўднёвая Асеція звярнуліся з просьбай да беларускага «парламента» аб прызнанні незалежнасці. На гэты момант Паўднёвую Асецію і Абхазію прызналі толькі Расея і Венесуэла. Таксама пытанне аб прызнанні выносіў на абмеркаванне прэзідэнт Нікарагуа, аднак парламент адхіліў яго прапанову. Астатнія краіны лічаць Абхазію і Паўднёвую Асецію часткай Грузіі.

Пра тое, што Беларусь прызнае незалежнасць Абхазіі Паўднёвай і Асеціі, Аляксандр Лукашэнка заявіў яшчэ ў верасні мінулага года. Аднак шматлікія незалежныя эксперты ацанілі гэтую заяву як гульні з Еўразвязам для атрымання крэдытаў.