СБУ падарвала забойцу генерала ўкраінскай разведкі

Аперацыю трымалі ў сакрэце.

Украінскія спецслужбы падарвалі аўтамабіль Алега Шутава. Ён, як сцвярджае СБУ, асабіста ў Кіеве падклаў бомбу пад аўтамабіль генерал-маёра ваеннай разведкі Украіны Максіма Шапавала.

Алега Шутава падарвалі 27 ліпеня ў акупаваным Данецку, піша LB.ua са спасылкай на крыніцы ва ўкраінскіх спецслужбах.

Самаробнае выбуховае прыстасаванне заклалі ў Subaru, на якім Шутаў прыехаў да спартыўнага комплексу «Дынама» ў Ленінскім раёне Данецка.

Мясцовыя прарасійскія рэсурсы тады паведамлялі пра «начную атаку беспілотніка», у выніку якой нібыта пацярпеў кіраўнік федэрацыі спартыўнай барацьбы.

Шутаў сапраўды ўзначальваў асацыяцыю дзюдо і самба так званай ДНР, адначасова Шутаў быў супрацоўнікам так званага «Цэнтра спецыяльных аперацый Міністэрства дзяржаўнай бяспекі ДНР». У 2024 годзе гэтае ведамства ліквідавалі, а яго функцыі перадалі мясцоваму ўпраўленню ФСБ.

«Менавіта гэты чалавек 26 чэрвеня 2017 года заклаў выбуховае прыстасаванне пад аўтамабіль генерала ўкраінскай разведкі Максіма Шапавала. Сёння мы ўпершыню абнародуем падрабязнасці пра выканаўцу гэтага тэрарыстычнага акта», — заяўляў тагачасны кіраўнік СБУ Васіль Грыцак.

Шутаў зняў кватэру ў доме, дзе жыў Шапавал, а таксама арандаваў месца на паркоўцы побач з аўтамабілем генерала. 27 чэрвеня 2017 года аўтамабіль Шапавала выбухнуў у Саламянскім раёне Кіева. Генерал загінуў. Паводле звестак СБУ, праз гадзіну пасля выбуху Шутаў забраў рэчы з арандаванай кватэры і выехаў у Расію, а адтуль — на Данбас.

Шутава таксама звязвалі з забойствам начальніка аддзела кантрвыведкі СБУ ў Данецкай вобласці палкоўніка Аляксандра Хараберюша. Яго аўтамабіль падарвалі ў Марыупалі 31 сакавіка 2017 года.

Інфармацыю пра ліквідацыю Шутава не публікавалі больш за месяц з меркаванняў бяспекі — пакуль дыверсійная група не вярнулася з акупаванай тэрыторыі.

Служба бяспекі Украіны ўпершыню публічна назвала Шутава забойцам генерал-маёра Максіма Шапавала ў красавіку 2019 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]