На Камароўцы ў Мінску пачаўся сезон грыбоў

Па колькі прадаюць баравікі і лісічкі?

Пакупнікі на Камароўскім рынку ў Мінску нарэшце дачакаліся «нашэсця» белых грыбоў. Праўда, пакуль гэта задавальненне не з танных.

Грыбы прадаюць вялікія і малыя, вагой і паасобку, а таксама ў вядзерках рознага памеру. Аднак кошт пры гэтым прыблізна аднолькавы – 50–100 рублёў за 1 кг, піша smartpress.by.

Пакупнікі глядзяць з захапленнем, пытаюцца ў прадаўцоў пра лясы, у якіх былі сабраныя грыбы («Мінская вобласць, не хвалюйцеся»), але бяруць нямногія.

Лісічкі таксама ёсць і даволі бюджэтныя ў параўнанні з белымі грыбамі: за «рыжанькіх» просяць 10–15 рублёў за 1 кг.

Яшчэ адно прыемнае здзіўленне Камароўкі ў першыя выхадныя верасня — рэшткі летніх ягад па такой таннай цане, пра якую яшчэ месяц таму, калі гэтымі ягадамі быў завалены ўвесь рынак, і марыць не даводзілася.

Гаворка пра сліву і чарэшню па 5 рублёў за 1 кг і клубніку па 3,5–6 рублёў за 1 кг.

Галубіка і маліна не патаннелі – 13–25 рублёў за 1 кг, а вось брусніца за апошні тыдзень апусцілася ў цане. Яе прадаюць пераважна па 8 рублёў за 1 кг, аднак можна знайсці і танней.

За прыгожую абляпіху на галінцы просяць 20 рублёў за 1 кг.

З агародніны працягваецца пік продажаў у таматаў і салодкіх перцаў. Памідоры прадаюць зусім танна — ад 1,5 рубля за 1 кг, перцы крыху даражэй — таўстасценныя ў сярэднім па 5 рублёў за 1 кг. Для нарыхтовак — ідэальны варыянт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]