УСУ абверглі крамлёўскія фэйкі

Украінцы па-ранейшаму кантралююць Казацкую Лопань.

Заява расійскага дыктатара Уладзіміра Пуціна пра тое, што акупацыйная армія РФ захапіла пасёлак Казацкая Лопань у Харкаўскай вобласці, не адпавядае рэчаіснасці. Пра гэта ў сваім акаўнце ў Facebook паведаміў 14-ы армейскі корпус УСУ.

У корпусе падкрэслілі, што Сілы абароны Украіны працягваюць поўнасцю кантраляваць Казацкую Лопань. Пры гэтым у раёне населенага пункта ідуць актыўныя баі: байцы УСУ ўтрымліваюць пазіцыі, вядуць актыўную абарону і наносяць расійскім акупантам агнявое паражэнне.

Паводле даных 14-га армейскага корпуса, акупацыйная армія Расіі ў раёне Казацкай Лопані нясе значныя страты. Толькі з пачатку актыўных баявых дзеянняў на гэтым напрамку страты праціўніка склалі 178 забітых і 210 параненых.

Нагадаем, 1 верасня на брыфінгу па выніках саміту ШАС у Кіргізстане Пуцін заявіў, што расійскія акупанты нібыта поўнасцю захапілі населены пункт Казацкая Лопань у Харкаўскай вобласці Украіны. На наступны дзень, 2 верасня, гэтую «мантру» паўтарыла Мінабароны РФ, апублікаваўшы ў якасці «даказу» відэа, з якога насамрэч нічога нельга зразумець.

Украінскі аналітычны праект DeepState таксама адзначае, што Казацкая Лопань знаходзіцца пад поўным кантролем Сіл абароны Украіны. Паводле праекта, населены пункт нават не ўваходзіць у так званую «шэрую зону».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]