Не спяшай падзеі, галубчык

Кадафі не дасць схлусіць.

The Economist піша, што Пуцін смяротна баіцца паразы ў вайне: «Яны мяне павесяць».

Ну чаго ты баішся, галубчык, чаму адразу — павесяць? Можа, з табою, Вова, усё будзе так, як адбываецца ў тваёй дзяржаве штодня з мноствам іншых людзей. Ты ж пабудаваў такую дзяржаву. Сваімі ручкамі пабудаваў.

Злавяць на вуліцы, адвязуць у паліцыю і там паб'юць. І ты падпішаш кантракт. Падпішаш, падпішаш, і не такія падпісвалі. Можа, перад адпраўкай ажэняць цябе з якой-небудзь жанчынай з паніжанай сацыяльнай адказнасцю — каб пад'ёмныя не прапалі. Ты ж, здаецца, цяпер разведзены, так? І павязуць цябе, яхантавы мой, на фронт. Куды-небудзь пад Малую Токмачку.

А там пашлюць цябе ў штурм. Генералу, які столькі разоў хлусіў пра ўзяцце гэтага населенага пункта, патрэбная новая зорачка. Адмовішся ісці ваяваць за Радзіму — пасадзяць у яму, будуць мачыцца на цябе і збіваць гумовым членам. І пойдзеш ты, як мілы. Пойдзеш, пойдзеш, і не такія хадзілі.

А там наступіш ты на міну «Ляпесток» або ўкраінскі дрон скіне побач з табою гранату. І будзеш ты, паранены, доўга і пакутліва паміраць у шэрай зоне. Будзеш, будзеш, і не такія паміралі. І ніхто не дашле па цябе лекараў — цябе даўно ўжо спісалі, ды і на халеру ты каму патрэбны. Семкі ў кішэню пакладзі, Валодзя.

А можа, усё будзе інакш. З судом, з запалярнай калоніяй асаблівага рэжыму ІК-3 у пасёлку Харп Ямала-Ненецкай аўтаномнай акругі. З халодным карцэрам, турэмнай баландой і доўгімі палярнымі начамі. Пра белых мядзведзяў паслухаеш, галубчык. Ці пакінуць цябе аднаго з жыхарамі Бучы. Ці з украінскімі салдатамі, што трапілі ў палон і прайшлі праз расійскія турмы.

Чаго адразу — «Павесяць»-та? Ты не спяшай падзеі, галубчык. Ёсць мноства іншых не менш цікавых варыянтаў — Муамар Мухамад Абу Мін’яр аль-Кадафі не дасць схлусіць.

Дзмітрый Чарнышоў, «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]