Трое замежнікаў хацелі абакрасці катэдж у Мінску

Іх затрымалі са стралянінай.

У Мінску затрымалі траіх замежнікаў за крадзеж, здзейснены арганізаванай групай, у асабліва буйным памеры, паведамілі ў МУС.

Сілавікі 25 ліпеня атрымалі інфармацыю пра невядомых у масках, якія правялі «разведку» прыватнага дома ў сталіцы і збеглі ў Расію. Іх асобы ўстанавілі — гэта замежнікі ва ўзросце 39, 43 і 56 гадоў. Раней неаднаразова судзімыя на радзіме за цяжкія і асабліва цяжкія злачынствы, сярод іх ёсць і злачынства, якое пацягнула смерць чалавека.

Мэтай зламыснікаў быў крадзеж буйной сумы наяўных. Праз дзень сілавікі даведаліся пра паўторны прыезд «гастролёраў» — тыя ведалі, што гаспадары дома адпачываюць за мяжой.

Апоўначы замежнікі пад’ехалі да абранага катэджа. Узламалі шклапакет, праніклі ўнутр. У выніку іх затрымалі са стралянінай.

«Ну прыехаў, хацеў украсці. Ад 1,5 да 5 млн [долараў]», — паведаміў на відэа адзін з затрыманых.

Следчымі ўзбуджана крымінальная справа за крадзеж, здзейснены арганізаванай групай, у асабліва буйным памеры. Цяпер правяраецца датычнасць фігурантаў да аналагічных фактаў на тэрыторыі Беларусі і іншых краін СНД.

Пра затрыманне злачынцаў у МУС знялі троххвілінны сюжэт, адным з герояў якога стаў намеснік начальніка Цэнтральнага РУУС Мінска Уладзімір Кубракоў — сын кіраўніка МУС Івана Кубракова. Ён расказваў, што міліцыяй кантраляваліся ўсе дзеянні зламыснікаў аж да затрымання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]