Сярод пацярпелых у аварыі з беларускімі турыстамі ў Батумі ёсць дзеці

Грузінскі бок аказвае неабходную медыцынскую дапамогу.

Беларусы, якія пацярпелі ў ДТЗ у Батумі, працягваюць знаходзіцца ў мясцовых медыцынскіх установах. Сярод іх ёсць непаўналетнія, паведамілі ў прэс-службе МЗС Беларусі, піша БелТА.

Паводле звестак ведамства, грузінскі бок аказвае пацярпелым неабходную медыцынскую дапамогу. Пасольства Беларусі падтрымлівае сувязь з імі і іх сваякамі, а консул знаходзіцца ў Батумі і каардынуе ўзаемадзеянне з сем’ямі загінулых.

У МЗС таксама заявілі, што дыпламаты дапамагаюць з пытаннямі лячэння, афармлення дакументаў і падрыхтоўкі да рэпатрыяцыі целаў загінулых у Беларусь.

Па факце аварыі ўзбуджана крымінальная справа паводле артыкула аб парушэнні правілаў дарожнага руху, што пацягнула цяжкія наступствы.

Нагадаем, 25 ліпеня пра здарэнне паведамілі грузінскія СМІ. Паводле іх інфармацыі, у ДТЗ трапіў мікрааўтобус з турыстычнай групай з Беларусі.

Як паведамлялася, у выніку сутыкнення з легкавой машынай мікрааўтобус перакуліўся, а легкавы аўтамабіль урэзаўся ў сцяну будынка Батумскага мастацкага ўніверсітэта. Загінулі два чалавекі, пацярпела сямёра.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]