У Грузіі другі раз запар адбыўся маштабны блэкаўт

У Тбілісі спыніўся метрапалітэн.

У Грузіі раніцай у суботу, 25 ліпеня, другі дзень запар зафіксавалі маштабны блэкаўт: без святла засталіся Тбілісі і іншыя ключавыя рэгіёны краіны, а праца транспартнай і камунальнай інфраструктуры аказалася часткова паралізаваная.

Пра гэта паведамляюць «Навіны Грузіі».

Збой у нацыянальнай энергасістэме адбыўся каля 08:00 па мясцовым часе.

На гэты момант вядома, што адключэнні закранулі сталіцу, а таксама гарады Батумі, Кутаісі і шэраг іншых населеных пунктаў.

У Тбілісі была прыпыненая праца метрапалітэна, узніклі праблемы з рухам цягнікоў, з-за прыпынення насосных станцый пачаліся перабоі з водазабеспячэннем. Таксама паведамляецца пра нестабільную працу мабільнага інтэрнэту.

Працэс аднаўлення электразабеспячэння ўжо пачаўся – у асобных раёнах Тбілісі святло з’явілася праз паўгадзіны пасля збою.

Гэты блэкаўт адбыўся менш чым праз 30 гадзін пасля папярэдняй буйной аварыі, якая пакінула Грузію без электраэнергіі ў ноч на 24 ліпеня. Тады аднаўленне электрасеткі заняло амаль усю ноч.

Дзяржаўная электрасетка Грузіі (GSE) пакуль не называе прычыны абодвух блэкаўтаў. У кампаніі толькі адзначылі, што паралельна з ліквідацыяй наступстваў працягваюцца работы па высвятленні прычын збою, а падрабязнасці абнародзяць пазней.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]