ЗСУ атакавалі Крым: у Севастопалі, Сімферопалі і Феадосіі — выбухі і стральба

Мішэнямі удараў сталі нафтабазы і электрастанцыі.

У акупаваным Крыме ў ноч на 2 ліпеня чуліся выбухі і стральба. Імаверныя траплянні зафіксаваныя ў Севастопалі, Сімферопалі і Феадосіі, паведамляе «Крым.Рэаліі» .

Паводле даных расійскай акупацыйнай адміністрацыі, а 3:21 у Севастопалі абвясцілі паветраную трывогу, якая цягнулася каля двух гадзін. Пра наступствы атакі або магчымыя траплянні акупацыйныя ўлады не паведамілі. У горадзе прагучалі прынамсі два выбухі.

Канал «Крымскі вецер» паведамляе пра магутны выбух у раёне дзяржаўнай раённай электрастанцыі ў Сімферопалі. Мясцовыя жыхары пішуць пра адключэнне святла.

У Феадосіі маглі быць тры траплянні паблізу нафтабазы і яшчэ адно — у раёне гары Тэпе-Оба, дзе размешчаныя пазіцыі расійскіх радыёлакацыйных станцый. Гэтыя паведамленні на гэты момант немагчыма пацвердзіць з незалежных крыніц.

Акрамя таго, выданні паведамляюць пра пажары на электрападстанцыях «Данузлаў» і «Міцяева» на захадзе паўвострава. Першая з’яўляецца вузлавой падстанцыяй высокага напружання, другая забяспечвае электразабеспячэнне населеных пунктаў і звязаная з сонечнай электрастанцыяй магутнасцю 32 МВт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]