Еўрапейскія лідары і Зяленскі высунулі Крамлю пяць умоў для міру
1- 8.06.2026, 8:51
- 4,824
Галоўнае патрабаванне — неадкладнае і поўнае спыненне агню.
Лідары Вялікабрытаніі, Германіі і Францыі па выніках сустрэчы з прэзідэнтам Украіны Уладзімірам Зяленскім 7 чэрвеня вызначылі ўмовы для справядлівага міру ва Украіне, гаворыцца ў сумеснай заяве трох лідараў, апублікаванай на сайце брытанскага ўрада.
Адзначаецца, што былі вызначаныя пяць умоў, якія неабходна стварыць для справядлівага і трывалага міру:
неадкладнае і поўнае спыненне агню;
цяперашняя лінія судакранання павінна стаць адпраўной кропкай для перамоваў;
пасля ўступлення ў сілу перамір'я Украіна павінна атрымаць надзейныя і юрыдычна абавязальныя гарантыі бяспекі на падставе абавязацельстваў, узятых у Берліне ў снежні 2025 года і ў Парыжы ў студзені 2026 года — гэта ўключае разгортванне шматнацыянальных сіл ва Украіне;
расійскія актывы будуць заставацца замарожанымі, пакуль РФ не спыніць вайну і не кампенсуе Украіне страты;
у любым пагадненні павінны быць абаронены еўрапейскія інтарэсы ў сферы бяспекі: элементы перамоваў, што датычацца ЕС і НАТА, запатрабуюць згоды адпаведна краін-членаў ЕС і НАТА.
Лідары таксама падтрымалі прапанову Украіны наконт прамых перамоваў з Расіяй — пры актыўным удзеле ЗША і Еўропы. Яны пацвердзілі непахісную падтрымку Украіны і падкрэслілі, што Еўропа адыгрывае важную ролю ў любым урэгуляванні.
7 чэрвеня Зяленскі паведаміў пра сустрэчу ў Лондане з прэм'ер-міністрам Вялікабрытаніі Кірам Стармерам, прэзідэнтам Францыі Эмануэлем Макронам і федэральным канцлерам Германіі Фрыдрыхам Мерцам у фармаце E3 — Украіна. Яны абмеркавалі сітуацыю на полі бою і абарону ад балістыкі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
