Беларусаў заклікалі ўзяць у лес гэтыя тры рэчы ў бліжэйшыя дні
5- 24.06.2026, 13:52
- 3,624
Пра што гаворка?
У Беларусь прыйшла спякота. У сувязі з гэтым кіраўніца Мінскага гарадскога цэнтра здароўя Сняжана Каврыго заклікала усіх аматараў ціхага палявання браць у паход у лес рэчы, якія могуць выратаваць жыццё.
Акрамя таго, намеснік начальніка ўпраўлення лясной гаспадаркі Мінлясгаса Віктар Звертоўскі настойліва рэкамендаваў сачыць за інтэрактыўнай картай, каб не атрымаць штраф.
У спякотнае надвор'е самаадчуванне чалавека пагаршаецца. Да найбольш уразлівых катэгорый насельніцтва належаць не толькі пенсіянеры і гіпертонікі, але і грыбнікі, якія ўжо ў чэрвені збіраюць поўныя кошыкі баравікоў. Каб знізіць рызыку праблем, Каврыго настойліва параіла браць з сабой:
- ваду,
- невялікі запас ежы, якая не псуецца,
- элементарныя лекі.
Дарэчы, гэта датычыцца не толькі грыбнікоў, але і ўсіх беларусаў, якія ў бліжэйшыя дні плануюць паехаць на пляж або ў іншыя месцы масавага адпачынку. Паводле слоў спецыялісткі, усё павінна быць прыпасена для таго, каб дабрацца дадому, бо невядома, колькі часу зойме дарога ў той ці іншай сітуацыі.
У той жа час намеснік начальніка ўпраўлення лясной гаспадаркі Мінлясгаса Віктар Звертоўскі нагадаў, што перад паходам у лес грыбнікам абавязкова трэба праверыць інтэрактыўную карту і пераканацца, што там не ўведзены той ці іншы клас пажарнай небяспекі.
Ён нагадаў, што поўная забарона (чырвоны ўзровень) дзейнічае пры IV–V класах пажарнай небяспекі. У гэты перыяд наведванне лясоў цалкам забаронена. Парушальнікам пагражае штраф да 12 базавых велічынь (да 540 рублёў на сёння). Калі ж дзеянні прывядуць да пажару і пацягнуць пашкоджанне або знішчэнне лесу ці тарфянікаў, штраф павялічваецца да 30 базавых – да 1350 рублёў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
