Беларус знайшоў унікальныя здымкі Бабруйска і Століна

Іх зрабіў нідэрландскі фатограф 25 гадоў таму.

У Threads фотамастак Уладзімір Зуеў падзяліўся незвычайнай знаходкай – беларус знайшоў працы нідэрландскага фатографа, які на пачатку нулявых здымаў Бабруйск і Столін. CityDog.io паказвае, якія фота атрымаліся ў нідэрландца.

«Вось пэўны галандскі фатограф Erik van Straten здымаў на “Leica” Бабруйск і Столін у канцы 90-х — на пачатку 2000-х», — напісаў Уладзімір.

У каментарыях пад допісам беларуса адзначыліся карыстальнікі, якія пазналі герояў або лакацыі, зафіксаваныя на здымках.

«Калі я не памыляюся, то дзяўчыну на першым фота ведаю. Пакажу ёй, раптам гэта яна. А фота класныя, такія жыццёвыя. У майго бацькі таксама быў цэлы саквояж з рознымі прыстасаваннямі фатографа, таму і чорна-белых фотаздымкаў шмат», — напісала baikova974.

«Другое фота: поле, дзе цяпер стаіць вялікая “Карона”, наперадзе па сцяжынцы — музычная школа», — дзеліцца leya_mescheryakova.

Свае здымкі, у тым ліку і беларускіх мястэчак, фатограф апублікаваў на фотахостынгу Flickr. Судзячы па галерэі Эрыка, ён таксама здымаў у Лондане, Амстэрдаме і Турцыі. Усяго аўтар загрузіў пад тысячу фотаздымкаў.

Уладзімір нават звязаўся з Эрыкам і ў каментарыях пад яго альбомам напісаў, што падзяліўся здымкамі ў сваіх сацсетках.

«Дзякуй! Бабруйск — вельмі фотагенічны горад. Насамрэч уся Беларусь вельмі фотагенічная. Нам, заходнім людзям, здаецца, нібыта ў Беларусі час спыніўся», — адрэагаваў на каментар Эрык.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]