Беларускія навукоўцы заявілі, што распрацавалі прэпарат, эфектыўны супраць раку лёгкіх

Прэпарат паказаў добрыя вынікі на даклінічных выпрабаваннях.

Беларускія навукоўцы стварылі прэпарат для барацьбы з ракам лёгкіх, расказала намесніца дырэктара па навуковай і інавацыйнай рабоце Інстытута фізіка-арганічнай хіміі НАН Таццяна Невар, піша БелТА.

Цяпер у інстытуце ў распрацоўцы два прэпараты, аналагаў якім няма. Даследчыкі ўжо дайшлі да стадыі клінічных выпрабаванняў.

— Адзін з іх — прэпарат на аснове цыклапептыду, які падчас даклінічных выпрабаванняў паказаў высокую эфектыўнасць супраць раку лёгкіх. Мы ўскладаем вялікія надзеі на гэты прэпарат, чакаем, што клінічныя выпрабаванні пакажуць добрыя вынікі, — расказала Таццяна Невар.

Таксама ў інстытуце надаюць увагу распрацоўцы прэпаратаў геннай тэрапіі.

— Сярод іх — прэпарат для лячэння мукавісцыдозу — цяжкага геннага захворвання, якое забірае дзясяткі жыццяў маленькіх дзяцей, а курс тэрапіі каштуе некалькі дзясяткаў мільёнаў долараў, — адзначыла Невар.

Яна дадала, што навукоўцы не плануюць спыняцца на адным захворванні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]