Paramount пачала працу над чацвёртай часткай «Хроснага бацькі»

Фільм будзе заснаваны на рамане «Конні».

Кінакампанія Paramount Pictures пачала працу над чацвёртай часткай «Хроснага бацькі». Фільм будзе заснаваны на рамане «Конні», які выйдзе ў 2027 годзе. Пра гэта (Associated Press https://apnews.com/) паведаміла выдавецтва Random House, якое набыло правы на сам раман. Паводле звестак агенцтва, гісторыя злачыннага клана Карлеонэ ўпершыню расказаная ад імя жанчыны.

Раман напісала Адрыяна Трыджані — амерыканская пісьменніца, аўтарка васямнаццаці бестселераў. Яна стала першай жанчынай, якая напісала раман у сусвеце «Хроснага бацькі». Паводле AP, «Конні» ўхвалілі спадкаемцы аўтара першых раманаў Марыё П’юзо.

Выход рамана «Конні» запланаваны на восень 2027 года. У цэнтры сюжэту — Канстанцыя (Конні) Карлеонэ. Яна — малодшае дзіця і адзіная дачка дона Віта Карлеонэ і Кармэлы Карлеонэ. Яе ролю ў трох фільмах «Хросны бацька» выканала Талія Шайр, сястра рэжысёра Фрэнсіса Форда Копалы.

«Конні» — гэта раман пра тое, як жанчына спрабуе пракласці ўласны шлях у свеце, які ўжо вырашыў, хто яна, што яна сабой уяўляе і як да яе варта ставіцца», — заявіла Трыджані.

Сага «Хросны бацька» пачалася з аднайменнага рамана Марыё П’юзо, які выйшаў у 1969 годзе. У 1972 годзе Фрэнсіс Форд Копала выпусціў экранізацыю рамана. Рэжысёр зняў яшчэ дзве часткі гісторыі — у 1974 і 1990 гадах. Прадстаўнік спадара Копалы назваў «малаверагодным», што 87-гадовы рэжысёр у бліжэйшы час будзе здымаць чацвёртую частку сагі, перадае The Hollywood Reporter.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]